 |
Xulio Villarino
foto(at)xuliovillarino.comwww.xuliovillarino.com Xulio Villarino naceu en Fazouro, Foz (Lugo), no 1969, e vive dende o ano 1998 no Porto de Bares, Mañón (A Coruña). Foi fotoxornalista do xornal La Voz de Galicia. No 2001 decidiu dedicarse pola súa conta ao fotoxornalismo como independente. Os seus artigos son distribuídos pola axencia Cover e colabora asiduamente en El País Semanal, Geo ou El Semanal. Entre os galardóns acadados como recoñecemento ao seu traballo profesional destacan o Luís Ksado en 1998, Fuji Europress Photo Awards na fase española en 1999, e a mención de honra na fase europea no mesmo ano. Foi finalista no Injuve 1999, finalista no Luis Valtueña no 2000 e 2001, Premio Ortega e Gasset 2000, Fuji Prize na categoría de viaxes no 2002 e The News no 2003. O seu traballo atópase en diferentes coleccións privadas e públicas. entra |
 |
Javier Teniente javier(at)javierteniente.com www.javierteniente.com Javier Teniente naceu en Vigo en 1968. De formación autodidacta, traballou como fotógrafo profesional no Diario Atlántico e Faro de Vigo. Actualmente traballa como fotógrafo independente representado pola axencia Cover. As súas fotos foron publicadas en revistas e xornais importantes de España, como El País Semanal, Geo, Interviú, Magazine de la Vanguardia, El Mundo, ou Tiempo, e outras de prestixio como Gatopardo (Colombia), Oxford University Press (Reino Unido). The Humanitarian Office of the European Union (Echo), publicou no 2002 un calendario por toda Europa cunha selección das súas imaxes. Ten cuberto conflitos causados por desastres naturais, polas guerras e a marxinación. Entre os seus últimos artigos a resaltar están os de Iraq (2003), Haití (2004), e a reportaxe do desastre causado polo Tsunami en Aceh Band, Indonesia (Xaneiro 2005). entra |
 |
Tino Martínez serbeg(at)eresmas.com Tino Martínez naceu en Santiago de Compostela en 1943. A escritora galega Marina Mayoral di acerca del: “Tino Martínez é un perfeccionista que soña fotografías con sabor ao imposible”. Nos seus traballos sobre Compostela a súa cámara tende a ollar aos ceos para ver como a monumentalidade urbana adquire acentos fundamentalmente inverosímiles. Dende o branco e negro á cor, a visión de Tino recolle fundamentalmente soidades. É a súa, neste caso, unha cidade deserta, descarnada, de xentes que a moran, pedra, ceo, e luces que rompen o silencio da noite. O seu traballo está presente en moitas exposicións, Museo de Pontevedra, Museo Arqueolóxico de Ourense, Universidade de Coimbra, Museo do Pobo Galego (Santiago), Sala Durán Loriga (A Coruña), Fonseca-Universidade de Santiago de Compostela (Santiago), Lugo, Vilafranca de Xinza (Portugal), Xenebra, College Art Center (Nova York)... entra |
 |
Tino Viz tinoviz(at)telefonica.net Tino Viz, naceu en Merza, Vila de Cruces (Pontevedra), en 1960. Publicou as súas primeiras fotografías no semanario A Nosa Terra. Dende 1981 ata 1985 traballou como free-lance, e dende ese ano ata 1992 desempeñou o cargo de fotoxornalista en La Voz de Galicia, ademais de libros, carteis, exposicións... En 1992, en Santiago de Compostela, funda Margen, unha axencia dedicada á publicidade e fotografía industrial, que comparte xunto co outro fotoxornalista A. Suárez, desenvolvendo dende ela, diversas facetas profesionais. entra |
 |
Fernando Bellas f.bellas(at)telefonica.net Fernando Bellas naceu en Pontedeume (A Coruña), 1955, e traballa como fotoxornalista dende 1977. Traballou en prensa semanal e diaria dentro e fóra de Galicia. As súas primeiras colaboracións foron no semanario A Nosa Terra, Mundo Obrero Diario e o semanal La Calle. Anos máis tarde empezou na Axencia Copi e Contifoto e o diario El Periódico de Cataluña. Publicou fotografías en La Voz de Galicia, El País, e nas revistas Interviú, e Diario 16. Gústalle lembrar os tempos nos que traballaba en Man Común e Tempo Galego, así como na Gran Enciclopedia Galega. Despois dun breve período de tempo traballando no Arquivo da Imaxe de Galicia, entra a formar parte dos Servizos Informativos da T.V.G, que deixará por un espazo breve de tempo para traballar co desaparecido Diario de Galicia. Actualmente está traballando como reporteiro gráfico na TVG nos citados Servizos Informativos, pero segue gozando coa fotografía coma sempre. entra |
 |
Delmi Alvarez delmialvarez(at)yahoo.com www.delmialvarez.com Delmi Álvarez naceu en Vigo no 1958. Comezou no fotoxornalismo no semanario A Nosa Terra e publicou o seu traballo noutros xornais e revistas. En 1989 Delmi comezou o proxecto documentalista Galegos na Diaspora, no que continua aínda hoxe. A súa busca de galegos arredor do mundo levouno recentemente ata Krasnodar, en Rusia, onde moran dous deles. Fotografía en branco e negro, viaxes, camiñar polas montañas: estas son algunhas das súas verdadeiras paixóns. Os seus pais ensináronlle como sobrevivir na xungla de asfalto e como volver ás montañas e atopar a paz que cada un leva dentro. Dous dos seus mellores amigos morreron na alta montaña, pero no seu corazón e mente, sempre permanecen os bos recordos pasados con eles. En 1999 realizou os Camiños Francés e Portugués dende Roncesvalles e Lisboa, comisionado para un xornal galego e como proxecto documental de autor. Os seus traballos son representados pola axencia Cover and Corbis. É o autor e comisario deste proxecto. entra |
Copyright © Delmi Alvarez 2006
On the web since June,1st, 2002 -- www.delmialvarez.com